मन कावरं बावरं तुझ्या एका श्वासासाठी

मन कावरं बावरं
तुझ्या एका श्वासासाठी!
तुझा एक एक शब्द
माझी गीता माझी पोथी!!

तुझा हुंकार झंकार
जशी सरस्वती वीणा!
तुझ्या वाणीचा गोडवा
वेणू मधुबन कान्हा!!
तूच पाठराखी माझी
तूच माझी आदि शक्ती!
मन कावरं बावरं
तुझ्या एका श्वासासाठी!!


डोळे यातना व्याकुळ
पाणी माझ्या काळजाचं!
वाट दिसता दिसेना
जसं नभ मळभाचं!!
गळपटलेले पाय
शून्य वजाबाकी हाती !
मन कावरं बावरं
तुझ्या एका श्वासासाठी!!

असा यल्गार मांडला
आकांताने फ़ोडी टाहो!
तरारले अश्रू मनी
पान्हा पत्थराला लाहो!!
सारा लिलाव मांडला
होते नव्हते ते गाठी !
मन कावरं बावरं
तुझ्या एका श्वासासाठी !!
मन कावरं बावरं
तुझ्या एका श्वासासाठी!!!